अखबार नेपाल ट्रेन्डिङ

एजेन्सी: प्रि सिजनका लागि एसिया भ्रमणमा रहेको स्पेनिस टोली बार्सिलोना विजयी भएको छ । बार्सिलोनाले भिसेल कोबेलाई २-० गोल अन्तरले हराएको थियो । टोलीका लागि दुवै गोल कार्लेज पेरेजले गरेका थिए ।

बार्सिलोनाका पूर्व स्टार आन्द्रे इनियस्टा अहिले जापानी क्लब कोबेबाट खेल्दै आएका छन् । बार्सिलोनाका दुई स्टार लियोन मेस्सी र लुइस स्वारेज विना बार्सिलोना एसिया भ्रमणमा निस्केको थियो । कोपा अमेरिका सहभागी भएका कारण उनीहरुलाई टोलीका अन्य खेलाडीलाई भन्दा बढी समय आराम दिइएको थियो ।

केहि दिनअघि चेल्सीसँग पराजित भएको टोलीमा भन्दा शनिबार बार्सिलोनाले पहिलो रोजाईमा ५ खेलाडी परिवर्तन गरेको थियो । पेरेजले पहिलो गोल ५९औं मिनेटमा गरेका थिए । उनले अर्को गोल खेल सकिन ४ मिनेट बाँकी रहँदा गरेका थिए ।