अखबार नेपाल ट्रेन्डिङ

एजेन्सीः स्पेनिस ला लिगा फुटबलमा रियल मड्रिड ओसासुनासँग १-१ गोलको बराबरीमा रोकिएको छ । सुरुवाती एक गोलको अग्रता जोगाउन नसक्दा रियलले अंक बाड्नु परेको हो ।

खेलको ४२ औं मिनेटमा भिनियस जुनियरले गोल गर्दै रियललाई सुरुआती अग्रता दिलाएका थिए । तर, खेलको ५५ औं मिनेटमा किकेले गोल गर्दै ओसासुनालाई १-१ को बराबरीमा ल्याए ।

खेलको ७८ औं मिनेटमा गार्सियाले रातो कार्ड पाएपछि ओसासुना १० खेलाडीमा समेटिएको थियो । यस्तै खेलको ७९ औं मिनेटमा रियलका करिम बेन्जिमाले पेनाल्टीमा गोल गर्न चुकेपछि रियल जित निकाल्न असफल भयो ।

बराबरीसँगै रियलले शीर्ष स्थानमा उक्लने मौका गुमाएको छ । रियल ७ खेलमा १९ अंक जोडेर दोस्रो स्थानमा रहेको छ ।

शीर्ष स्थानको बार्सिलोनाको १९ अंक नै रहेको छ । ओसासुना १३ अंक जोडेर छैटौं स्थानमा रहेको छ ।