अखबार नेपाल ट्रेन्डिङ

काठमाडौं: त्रिपुरेश्वरस्थित दशरथ रंगशालामा जारी दशौं चरणको सहिद स्मारक ‘ए’ डिभिजन लिग फुटबलमा आज दुई खेलहरु हुँदैछ ।

लिग अन्तर्गत पहिलो खेलमा न्युरोड टिम एनआरटी र हिमालयन शेर्पा क्लबबीच प्रतिस्पर्धा हुनेछ ।

यी दुईबीचको खेल दिउँसो १ बजेबाट सुरु हुनेछ ।

एनआरटी ९ खेलमा १३ अंक जोडेर लिगको सातौं स्थान छ ।

आज हिमालयनलाई हराएर एनआरटी शीर्ष पाँचमा उक्लन चाहन्छ ।

हिमालयन ९ खेलमा ११ अंक जोडेर आठौं स्थानमा छ ।

लिग अन्तर्गत आज हुने दोस्रो खेलमा नेपाल एपीएफ क्लब र संकटा क्लबबीच प्रतिस्पर्धा हुनेछ ।

यी दुईबीचको खेल ४:४५ बजेबाट सुरु हुनेछ  ।

एपीएफ ९ खेल १० अंक जोडेर नवौं स्थानमा रहेको छ ।

संकटालाई हराएर एपीएफ अंक तालिका सुधार गर्न चाहन्छ ।

संकटा ९ खेलमा १४ अंक जोडेर छैटौं स्थानमा रहेको छ ।