अखबार नेपाल ट्रेन्डिङ

काठमाडौं: त्रिपुरेश्वरस्थित दशरथ रंगशालामा जारी सहिद स्मारक ‘ए’ डिभिजन लिग फुटबलमा मनाङ मर्स्याङ्दी क्लब र थ्री स्टार क्लबले बराबरी खेल्दै अंक बाँढेका छन् ।

शनिबार भएको खेलमा मनाङ र थ्री स्टारले १-१ गोलको बराबरी खेलेको हो ।

खेलको दोस्रो हाफमा मनाङका लागि ६२औं मिनेटमा दयानन्द सिंहले मैदान प्रवेश गरेको पहिलो मिनेटमा गोल गर्दै मनाङलाई १–० को अग्रता दिलाए ।

खेलको ७१औं मिनेटमा थ्रीस्टारका लागि ऋतिक कुमार खड्काले गोल गर्दै खेललाई १–१ गोलको बराबरीमा ल्याए ।

यो बराबरीले अंक तालिकामा कुनै परिवर्तन नहुदा शीर्षस्थानको मछिन्द्र फुटबल क्लबलाई प्रत्यक्ष फाइदा भएको छ ।

मनाङ २० अंक जोडेर दोस्रो स्थानमा रहँदा थ्री स्टार १७ अंक जोडेर चौथो स्थानमा यथावत रहेको छ ।

यो बराबरीले लिगमा तीन चरणको खेल बाँकी रहँदा मछिन्द्रले ६ अंकको स्पष्ट अग्रता लिन सफल भएको छ ।

मछिन्द्रले शनिबारै च्यासल युथ क्लबलाई २–० ले हराउँदै लिगमा अपराजित रहन सफल भएको छ ।

थ्री स्टार १० खेलमा १७ अंक जोडेर चौंथो स्थानमा रहेको छ ।