अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबल अन्तर्गत आजबाट त्रिपुरेश्वरस्थित दशरथ रंगशालामा नवौं चरणका खेलहरु सुरु हुँदैछ ।

लिगको नवौं चरण अन्तर्गतको सुरुआती दुई खेलहरु हुँदैछ ।

पहिलो खेलमा विभागीय टोली एपीएफ र हिमालयन शेर्पाबीच प्रतिस्पर्धा हुनेछ ।

यी दुईबीचको खेल दिउँसो १ बजे सुरु हुनेछ ।

एपीएफले ८ खेलमा ७ अंक जोडेर लिगको दशौँ स्थानमा रहेको छ ।

हिमालयनले ८ खेलमा ११ अंक जोडेर लिगको छैटौं स्थानमा रहेको छ ।

यस्तै दोस्रो खेलमा मनाङ मर्स्याङ्दी क्लब र सातदोबाटो युथ क्लबबीच प्रतिस्पर्धा हुनेछ ।

यी दुईबीचकोको खेल ४:४५ बजे सुरु हुनेछ ।

मनाङ १९ अंक जोडेर दोस्रो स्थानमा रहेको छ ।

सातदोबाटोलाई हराएर मनाङ शीर्ष स्थानमा उक्लन चाहन्छ ।

सातदोबाटो ९ अंक जोडेर आठौं स्थानमा रहेको छ ।