अखबार नेपाल ट्रेन्डिङ

काठमाडौं: एसियन सिनियर सेन्ट्रल जोन महिला भलिबल च्यालेन्ज कपमा साविक विजेता नेपालले विजयी सुरूवात गरेको छ ।

बंगलादेशको ढाकामा आजदेखि सुरू भएको रोमाञ्चक खेलमा नेपालले दुई सेटले पछि परेको अवस्थामा उत्कृष्ट पुनरागमन गर्दै श्रीलंकालाई ३-२ को सेटमा पराजित गरेको हो ।

श्रीलंकाले पहिलो सेट २५-१९ र दोस्रो सेट २५-२१ ले आफ्नो पक्षमा पार्दै २-० को अग्रता बनाएको थियो ।

तर त्यसपछि नेपालले सानदार पुनरागमन गर्दै लगातार तीन सेट जित्यो ।

नेपालले तेस्रो सेट २५-१५ ले जित्दै खेलमा पुनरागमन गर्‍यो ।

नेपालले चौथो सेट २५-१९ले जितेपछि खेल अन्तिम सेटसम्म लम्बिएको थियो ।

निर्णायक तथा अन्तिम सेट १५-१३ ले जित्दै नेपालले खेल आफ्नो पक्षमा पारेको हो ।

नेपालले दोस्रो खेल शुक्रबार माल्दिभ्ससँग खेल्नेछ ।