अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबलमा आज दुई खेलहरु हुँदैछन् ।

त्रिपुरेश्वरस्थित दशरथ रंगशालामा हुने पहिलो ब्रिगेड ब्वाइज क्लब र एपीएफ फुटबल क्लबबीच प्रतिस्पर्धा हुनेछ ।

दोस्रो खेलमा मनाङ मर्स्याङ्दी क्लब र जावलाखेल युथ क्लबबीच प्रतिस्पर्धा हुनेछ ।

पहिलो खेल ब्रिगेड र एपीएफबीचको खेल दिउँसो १ बजे सुरु हुनेछ ।

दुबै टिम जित निकाल्दै सिजनको सुखद सुरुआत गर्ने योजनामा रहेका छन् ।

ब्रिगेड राष्ट्रिय टिमका पूर्व कप्तान समेत रहेका फरवार्ड अनिल गुरुङको कप्तानीमा मैदान उत्रनेछ ।

एपीएफको कप्तानी भने टोप बहादुर विष्टले गर्ने छन् ।

यस्तै दोस्रो खेलमा मनाङ र जावलाखेलबीचको खेल ४:४५ बजे सुरु हुनेछ ।

उपाधि दाबेदार मनाङ जावलाखेललाई हराएर सुखद सुरुआत गर्ने योजनामा हुनेछ ।

कीर्तिमानी आठ पटकको च्याम्पियन मनाङ अन्जन विष्टको कप्तानीमा मैदान उत्रनेछ ।

शीर्ष चारको लक्ष्य लिएको जावलाखेल समेत जित निकाल्दै सिजनको सुखद सुरुआत गर्न चाहन्छ । तर, मनाङलाई हराउँन कुलदिप कार्कीको कप्तानीमा रहेको जावलाखेललाई सहज भने हुनेछैन ।

लिगमा ‘ए’ डिभिजनका १४ क्लबले प्रतिस्पर्धा गरिरहेका छन् ।

यस पटकको लिगको पुछारका दुई टिम रेलिगेसनमा पर्दै ‘बी’ डिभिजनमा झर्ने छन् ।