अखबार नेपाल ट्रेन्डिङ

काठमाडौं: प्रधानन्यायाधीशको राजीनामा माग गर्दै आइतबार सर्वोच्च परिसरमा धर्ना दिन गएका कानुन व्यवसायीहरुले धर्नामा प्रहरीले हस्तक्षेप गरेको भन्दै गृहमन्त्री बालकृष्ण खाँडको राजीनामा मागेका हुन् ।

उनीहरुले चर्को नाराबाजी गर्दै भ्रष्टाचारी न्यायाधीश र गृहमन्त्री खाँडले यथाशीघ्र राजीनामा दिनुपर्ने माग गरेका छन् । नेपाल बार एसोसिएसनका उपाध्यक्ष ईश्वरी भट्टराईले कानुन व्यवसायीहरुको शान्तिपूर्ण आन्दोलनमा गृहमन्त्री खाँडले प्रहरी खटाएर आन्दोलन विथोल्न खोजेको आरोप लगाए ।

धर्नामा बसेका कानुन व्यवसायी र प्रहरीबीच प्रत्येक दिनजसो धकेलाधकेल हुँदै आएको छ । केही दिनअघि धर्नमा बसेका कानुन व्यवसायी र प्रहरीबीच धकेलाधकेल हुँदा ७ जना कानुन व्यवसायीहरु घाइते भएका थिए ।

प्रधानन्यायाधीशले राजीनामा नदिएसम्म आन्दोलन जारी राख्ने बारले बताएको छ । बारले आजदेखि विरोधका नयाँ कार्यक्रम घोषणा गरी आन्दोलित छ ।