च्याम्पियन्स लिग फाइनल आज दुई इंग्लिस क्लबबीच उपाधिको लागि भिडन्त हुने
वि.सं.२०७८ जेठ १५ शनिवार ०९:२१
3K
shares
एजेन्सीः युरोपेली च्याम्पियन्स लिग फुटबलको फाइनलमा आज दुई इंग्लिस प्रिमियर लिग क्लबबीचको भिडन्त हुनेछ ।
च्याम्पियन्स लिगमा प्रिमियर लिगको वर्चस्वको रूपमा लिन सकिन्छ ।
तर यो दुई इंग्लिस क्लबको भिडन्तमात्र रहेको छैन ।
यी क्लबसँग आबद्ध विश्वका चारै कुनाका खेलाडीबीचको प्रतिस्पर्धा हुनेछ ।
यी दुवै क्लबको च्याम्पियन्स लिगमा बलियो इतिहास छैन ।
जस्तो सिटीले पहिलोपल्ट फाइनल खेल्दै छ ।
चेल्सीले भने तेस्रोपल्ट फाइनल खेल्दै छ ।
सन् २०१२ मा टिम च्याम्पियन रहेको थियो ।
यी दुई इंग्लिस क्लबले बोकेका समान विषेशता हो ।
दुवै धनी क्लब भएको हैसियतले विश्व फुटबलकै सबै भन्दा राम्रा प्रशिक्षक नियुक्त गर्न सक्छ ।
सबै महादेशबाट सबैभन्दा राम्रा राम्रा प्रतिभाशाली खेलाडी छानी छानी अनुबन्ध गर्न सक्छ ।
सिटीका प्रशिक्षक हुन् स्पेनी पेप ग्वार्डिओला ।
उनले बार्सिलोनाका लागि दुई अवसरमा च्याम्पियन्स लिग जितिसकेका छन् ।
चेल्सीका जर्मन प्रशिक्षक थोमस टचेल पोहोर पेरिस सेन्ट जर्मेन (पीएसजी) मा थिए ।
पेरिस सेन्ट जर्मेनले च्याम्पियन्स लिग फाइनल खेलेको थियो ।
पीएसजी बायर्न म्युनिकसँग पराजित रह्यो ।
शेख मन्सुर बिन जायेद उल नहायान हुन् सिटीमा मालिक ।
चेल्सीका मालिक भने रुसी हुन धनाढ्य रोमन एब्राहिमोभिच ।
पछिल्ला तीन वर्षमा फाइनल दुई इंग्लिस क्लबबीच हुन लागेको यो दोस्रोपल्ट हो ।
दुई वर्षअगाडि लिभरपुल र टोटेनहमले फाइनल खेलेका थिए ।
यो प्रवृत्तिले ऋणमा डुबेका दुई स्पेनी महारथी रियल म्याड्रिड र बार्सिलोना पनि पछाडि परेको भान पर्न थालेको छ ।
यो इंग्लिस प्रिमियर लिगको सफलता पनि हो ।
यसका लागि केही तथ्यांक नै पर्याप्त छ ।
यूईएफएले केही समयअगाडि जारी गरेको प्रतिवदेनमा विश्व फुटबल बजारमा भएका ४३ प्रतिशत सरुवाको व्यापार इंग्लिस क्लबले नै धानेका थिए ।
म्यानचेस्टर युनाइटेड अपवाद नरहेको होइन ।
सिटीले पछिल्ला चार सिजनमध्ये तीनमा इंग्लिस प्रिमियर लिग जितेको छ ।
यसको सबैभन्दा ठूलो श्रेय प्रशिक्षक ग्वार्डिओलाको श्रेष्ठता र अचुक रणनीतिलाई जान्छ ।
उनको नेतृत्वमा क्लबले नयाँ खेलाडीमा सटिक लगानी गरेको छ ।
ग्वार्डिओला आएयता सिटीले उत्कृष्ट पास शृंखलाको फुटबल खेलेको छ ।
यसअघिका च्याम्पियन्स लिगमा सिटीले धोका खाएको भनेकै डिफेन्समा हो ।
निर्णायक मोडमा उसको रक्षापंक्तिले काम गर्न सकेको थिएन ।
यस सिजनको कथा बेग्लै छ ।
चेल्सीको रक्षापंक्ति भने ब्राजिली भेट्रान थिएगो सिल्भामा टिकेको छ ।
सिल्भा आएपछि चेल्सीको डिफेन्स वास्तवमै बलियो भएको छ ।
यी दुवै टिम गोल गर्न र अवसर सिर्जना गर्नमा माहिर छन् ।
अझ ग्वार्डिओलासँग त यति धेरै अवसर र उपाय छ ।
उनले आफ्ना प्रमुख खेलाडी अर्जेन्टिनी सर्जियो अगुइरो र ब्राजिली ग्याब्रियल जेससलाई समेत नियमित खेलाउन आवश्यक परेको छैन ।
विंगर अल्जेरियाली रियाद महारेजले १४ गोल गरेका छन् ।
उनको नाममा सबैखाले प्रतियोगितामा नौपल्ट गोलमा सहयोगी भूमिका खेलेको तथ्यांक पनि छ ।
फिल फोडेनले १६ गोल गरेका छन् अनि १० गोलमा अवसर सिर्जना ।
मध्यपंक्तिमा जर्मन खेलाडी इल्काये गुन्डोगनको प्रभाव पनि कम्ती छैन ।
उनले १७ गोल गरेका छन् ।
यस्तै मिडफिल्डमै बेल्जियमका केभिन डी ब्रुयनले १८ गोलमा सहयोगी भूमिका खेलेका छन् ।
सिटीका यी सबै तथ्यांकबीच चेल्सी पनि कम्तीको छैन ।
टोलीले पछिल्ला दुई खेलमा सिटीलाई हराएको छ ।
एफए कप सेमिफाइनल र इतिहादमा भएको एक महिना अघिको लिग खेल ।
चेल्सीका इंग्लिस खेलाडी मेसन माउन्ट र उनका अमेरिकी साथी क्रिस्टियन पुलिसिच तीव्र गतिमा खेल्न माहिर छन् ।
जर्मन टिमो वार्नर, केइ हाभर्टेज पनि चुनौती हुन सक्छन् ।
यो पनि पढ्नु होस्
वि.सं.२०७८ जेठ १५ शनिवार ०९:२१
वि.सं.२०८३ कात्तिक १० मंगलवार १०:१८
काठमाडौं: नेपाल प्रिमियर लिग (एनपीएल)मा आज दुई खेल हुँदैछन् ।...
वि.सं.२०८३ कात्तिक १० मंगलवार १०:०१
काठमाडौं: बायर्न म्युनिखका स्टार स्ट्राइकर ह्यारी केन र बार्सिलोनाकी कप्तान...
वि.सं.२०८३ कात्तिक ९ सोमवार ११:०५
काठमाडौं: नेपाल प्रिमियर लिग (एनपीएल) को तेस्रो संस्करण आजदेखि टियु...
वि.सं.२०८३ कात्तिक ७ शनिवार १३:४५
विश्वविख्यात महान फुटबल खेलाडी लियोनेल मेस्सीले स्पेनको प्रतिष्ठित 'प्रिन्सेस अफ...
वि.सं.२०८३ असोज २६ सोमवार १२:२३
काठमाडौं: दोस्रो संस्करणको सुनुवार राष्ट्रसेवक कप फुटसल प्रतियोगिता २०८३ को...
वि.सं.२०८३ असोज १९ सोमवार १७:५२
काठमाडौं: जोरपाटी फुटबल क्लवद्वारा आयोजित गोकर्णेश्वर राष्ट्रिय सेभेन 'ए' साइड...
