अखबार नेपाल ट्रेन्डिङ

एजेन्सीः प्रिमियर क्लब म्यानचेस्टर सिटी पहिलो पटक च्याम्पियन्स लिग फुटबलको फाइनल पुगेको छ ।

सेमिफाइनलमा फ्रेन्च क्लब पिएसजीलाई पराजित गर्दै उपाधि भिडन्तका लागि स्थान पक्का गरेको हो ।

सेमिफाइनलको दोस्रो लेगमा पिएसजीलाई २–० ले हराउँदै समग्रमा ४–१ गोल अन्तरको नतिजा सहित सिटी फाइनल पुगेको हो ।

दोस्रो लेगमा सिटीलाई जित दिलाउन दुवै गोल रियाद महरेजले गरे ।

खेलको ११औँ मिनेटमा महरेजले गोल गर्दै सिटीलाई अग्रता दिलाएका थिए ।

६३औँ मिनेटमा फिल फोडिनको पासमा व्यक्तिगत दोस्रो गोल गर्दै महरेजको सिटीको जित पक्का गरे ।

एन्जल डी मारिया रातो कार्ड खाँदै मैदानबाट बाहिरिए पछि लिग वान क्लब १० खेलाडीमा सीमित बनेको थियो ।यसअघि सेमिफाइनलको

पहिलो लेगमा सिटीले २–१ को अग्रता बनाएको थियो ।

सिटी पछिल्लो तीन सिजन च्याम्पियन्स लिग फुटबलको क्वार्टरफाइनलमा पराजित हुँदै आएको थियो ।

सिटीले उपाधिका लागि चेल्सी र रियल मड्रिड बीचको विजेतासँग प्रतिस्पर्धा गर्नेछ ।

दोस्रो लेग चेल्सीको घरेलु मैदान स्टामफोर्ड ब्रिजमा हुनेछ ।

यो पनि पढ्नु होस्

https://www.akhabarnepal.com/%e0%a4%a8%e0%a5%87%e0%a4%aa%e0%a4%be%e0%a4%b2-%e0%a4%b8%e0%a5%81%e0%a4%aa%e0%a4%b0-%e0%a4%b2%e0%a4%bf%e0%a4%97%e0%a4%ae%e0%a4%be-%e0%a4%86%e0%a4%9c-%e0%a4%8f%e0%a4%95-%e0%a4%96%e0%a5%87%e0%a4%b2/