अखबार नेपाल ट्रेन्डिङ

काठमाडौं: नेपालमा जारी त्रिदेशीय ट्वान्टी-ट्वान्टी क्रिकेट सिरिज अन्तर्गत आफ्नो तेस्रो खेलमा नेपालले नेदरल्याण्ड्ससँग प्रतिस्पर्धा गर्दैछ ।

यो खेल जितेको अवस्थामा नेपालले लिग चरणको एक खेल अगावै फाइनलमा स्थान बनाउनेछ ।

नेपाल, नेदरल्याण्ड्स र मलेसियाले डवल राउण्ड रोविनका आधारमा खेल्दा शीर्ष दुई टोलीले फाइनल खेल्ने छ ।

नेपालले यसअघि शनिबार नेदरल्याण्ड्सलाई र सोमबार मलेसियालाई समान ९ विकेटले पराजित गरेको थियो ।

शनिबार भएको उद्घाटन खेलमा नेदरल्याण्डले दिएको १ सय ३७ रनको लक्ष्य नेपालले १ विकेटको क्षतिमा १५ ओभरमै पूरा गरेको थियो ।

कोरोना महामारी नियन्त्रणका लागि सरकारले भिडभाडजन्य गतिविधिमा रोक लगाएका कारण त्रिवि क्रिकेट मैदानमा आज दिउँसो सवा १ बजेदेखि सुरु हुने नेपाल र नेदरल्याण्ड्सबीचको खेलमा दर्शकको उपस्थिति हुने छैन ।

नेपाल क्रिकेट संघले सोमबार साँझ विज्ञप्ति जारी गरी सरकारको निर्णय पालना गर्दा समर्थकमा पर्न गएको असुविधाप्रति क्षामा मागेको छ ।

हेर्नुहोस् तपाईको आज २०७७ बैशाख ७ गते मंगलबारको तपाईको राशिफल