अखबार नेपाल ट्रेन्डिङ

काठमाडौं: नेपाल, नेदरल्यान्ड्स र मलेसिया सम्मलित त्रिकोणात्मक टी–ट्वान्टी सिरिज आजबाट टियु क्रिकेट मैदानमा सुरु हुँदैछ ।

आजको उद्घाटन खेलमा आयोजक नेपाल र नेदरल्यान्ड्सबीच प्रतिष्पर्धा हुँदैछ । यी दुईबीचको खेल दिउँसो १:१५ बजे सुरु हुनेछ ।

सिरिजको उद्घाटन खेलमा दुबै टिम जित निकाल्ने लक्ष्यसहित मैदान उत्रने छन् । नेपाल ज्ञानेन्द्र मल्लको कप्तानीमा मैदान उत्रने छ ।

यो सिरिजमा चोटका कारण नेपाली टिममा पूर्व कप्तान पारस खड्का हुने छैनन ।

नेदरल्याड्स पिटर सीलारको कप्तानीमा मैदान उत्रने छ । बलियो टिम नेदरल्यान्ड्स नेपाललाई हराएर सुखद सुरुवात गर्ने लक्ष्यमा रहेको छ ।

नेपालले सिरिजको दोस्रो खेलमा मलेसियासँग बैशाख ६ मा खेल्नेछ । यस्तै, तेस्रो खेलमा नेपालले नेदरल्यान्ड्ससँग बैशाख ७ मा खेल्नेछ ।

यस्तै अन्तिम लिग खेलमा नेपालले बैशाख ९ गते मलेसियासँग खेल्नेछ ।

डबल राउण्ड रोबिनको आधारमा हुने सिरिजको शीर्ष दुई टिमले उपाधिका लागि खेल्नेछन् ।

प्रतियोगिताको फाइनल खेल बैशाख ११ गते हुनेछ ।

प्रधानमन्त्री ओलीको आह्वानमा आज सर्वदलीय बैठक बस्दै