रियल म्याड्रिड युईएफए च्याम्पियन्स लिगको सेमिफाइनलमा प्रवेश
वि.सं.२०७८ वैशाख २ बिहीवार ०८:२८
एजेन्सी: स्पेनिस क्लब रियल म्याड्रिड युईएफए च्याम्पियन्स लिगको सेमिफाइनलमा प्रवेश गरेको छ ।
क्वाटरफाइनलको दोस्रो लेगमा लिभरपुलसँग गोलरहित बरारबरीमा रोकिएपनि रियलले समग्रमा ३–१ को जित निकाल्दै अन्तिम चारमा प्रवेश गरेको हो ।
रियलले पहिलो लेगमा ३–१ को जित निकालेको थियो ।
गएराति भएको खेलमा लिभरपुलले रियललाई दवावमा राखेपनि गोल गर्न नसक्दा लिभरपुल अघि बढ्न सकेन ।
च्याम्पिन्स लिगको सर्वाधिक सफल रियलले दुई वर्षपछि सेमिफाइनलमा स्थान बनाउन सफल भएको हो ।
रियल पछिल्लो दुई संस्करण क्वाटरफाइनलभन्दा अघि बढ्न सकेको थिएन ।
अब रियलले सेमिफाइलमा इंग्लिस क्लब चेल्सीको सामना गर्नेछ ।
चेल्सीले पोर्चुगिज क्लब एफसी पोर्टोलाई समग्रमा २–१ ले पराजित गर्दै सात वर्षपछि सेमिफाइनलमा स्थान बनाएको थियो ।
अर्को सेमिफाइनलमा पेरिस सेन्ट जर्मेन (पीएसजी) र इंग्लिस क्लब म्यानचेस्टर सिटीबीच प्रतिस्पर्धा हुनेछ ।
म्यानचेस्टर सिटी युइएफए च्याम्पियन्स लिगको सेमिफाइनलमा प्रवेश
वि.सं.२०७८ वैशाख २ बिहीवार ०८:२८