अखबार नेपाल ट्रेन्डिङ

एजेन्सी: बोरुसिया डर्टमुन्डलाई पराजित गर्दै म्यानचेस्टर सिटी युइएफए च्याम्पियन्स लिगको सेमिफाइनलमा प्रवेश गरेको छ ।

क्वाटरफाइनलको दोस्रो लेगमा २–१ को तथा समग्रमा ४–२ को जित निकाल्दै सिटीले अन्तिम चारको यात्रा तय गर्न सफल भएको हो ।

पहिलो लेगमा पनि सिटीले २–१ को जित निकालेको थियो ।

गएराति भएको खेलमा सिटीले एक गोलले पछि परेको अवस्था उल्ट्याउँदै जित निकालेको हो ।

सिटीको जितमा रियाद महारेज र फिल फोडेनले गोल गर्दा घरेलु टोलीका जुडे बेलिङघमले गरेको गोल सान्त्वना बन्यो ।

खेलको १५औं मिनेटमा जुडे बेलिङघमले गोल गर्दै डर्टमुन्डलाई अघि बढाएका थिए ।

५५औं मिनेटमा रियाद महारजेले पेनाल्टीमार्फत गोल गर्दै खेललाई १–१ गोलको बराबरीमा ल्याए ।

खेलको ७५औं मिनेटमा फिल फोडेनले गोल गर्दै सिटीलाई २–१ को जित दिलाए ।

अब सिटीले सेमिफाइलनलमा फ्रान्सेली क्लब पेरिस सेन्ट जर्मेन (पीएसजी) को सामना गर्नेछ ।

सर्बोच्च अदालतद्वारा अनलाइन संचारमाध्यम नवीकरण नगरे रोक लगाउने ब्यवस्था खारेज