अखबार नेपाल ट्रेन्डिङ

एजेन्सी: स्पेनिस ‘एल क्लासिको’मा साविक विजेता रियल मड्रिडले बार्सिलोनालाई हराउँदै ला लिगाको शीर्षस्थानमा उक्लिएको छ ।

गएराति भएको एल क्लासिको भिडन्तमा बार्सिलोनामाथि २-१ गोलको जित निकाल्दै बार्सिलोना शीर्ष स्थानमा उक्लिएको हो ।

घरेलु मैदानमा १० खेलाडीमा समेटिएको रियललाई जित दिलाउन करिम बेन्जिमा र टोनी क्रुसले एक एक गोल गरे ।

बार्सिलोनाका ओस्कार मिन्गुएजाले एक गोल फर्काए ।

खेलको १३ औं मिनेटमा बेन्जिमाले गोल गर्दै रियललाई अग्रता दिलाएका थिए ।

खेलको २८ औं मिनेटमा क्रुसले गोल गर्दै रियललाई २-० को अग्रता दिलाए ।

खेलको ६० औं मिनेटमा ओस्कारले एक गोल फर्काएपनि बार्सिलोना २-१ ले पराजित भयो ।

खेलको अतिरिक्त समयमा कासिरिमोले दोहोरो पहेलो कार्डसहित रातो कार्ड पाउँदै मैदानबाट बाहिरिएपछि रियल १० खेलाडीमा समेटिएको थियो ।

जितसँगै रियलले ३० खेलमा ६६ अंक जोडेको छ ।

रियलले एट्लेटिको मड्रिडलाई हेड टु हेडमा पछि पार्दै शीर्ष स्थान हासिल गरेको हो ।

एक खेल कम खेलेको एट्लेटिकोको पनि ६६ अंक रहेको छ ।

बार्सिलोना ६५ अंक जोडेर तेस्रो स्थानमा रहेको छ ।

हेर्नुहोस् तपाईको आज २०७७ चैत २९ गते आईतबारको तपाईको राशिफल