अखबार नेपाल ट्रेन्डिङ

एजेन्सी: इंग्ल्यान्डले विश्वकप छनोटमा अल्वानियामाथि उसकै मैदानमा २–० को सहज जित हात पारेको छ ।

विश्वकप छनोटमा इंग्ल्यान्डको यो लगातार दोस्रो जित हो ।

यसअघि पहिलो राउन्डको खेलमा इंग्ल्यान्डले सान मारिनोमाथि ५–० को फराकिलो जित हात पारेको थियो ।

इंग्ल्यान्डले खेलको ३८औं मिनेटमा कप्तान ह्यारी केनको गोलबाट अग्रता लिएको थियो ।

खेलको ६३औं मिनेटमा कप्तान केनको पासमा मासन माउन्टले गोल गर्दै इंग्ल्यान्डलाई २–० को सहज जित दिलाए ।

जितसँगै समूह ‘आई’ मा इंग्ल्यान्ड २ खेलबाट ६ अंक जोडेर शीर्षस्थानमा रहेको छ ।

समान ४ अंक भएपनि पोल्यान्ड र हंगेरी दोस्रो र तेस्रो स्थानमा रहेको छ ।

३ अंक जोडेको अल्वानिया चौथो स्थानमा रहँदा अंकविहीन एन्डोरा र सान मारिनो पाँचौ र छैटौ स्थानमा रहेको छ ।

फिफा विश्वकप छनौट अन्तर्गत युरोपियन छनौटमा स्पेनको पुनरागमन जित