अखबार नेपाल ट्रेन्डिङ

एजेन्सी: इंग्लिस प्रिमियर लिगमा आर्सनलले घरेलु मैदानमा टोटेनहममाथि २–१ को पूनरागमन जित निकालेको छ ।

आर्सनलको जितमा मार्टिन ओडेगार्ड र एलेसान्द्रे लाकाजेटले गोल गरे ।

इरिक लमेलाको गोल सान्त्वना बन्यो ।

टोटेनहमले खेलको ३३औं मिनेटमा इरिक लमेलाको गोलबाट अग्रता लिएको थियो ।

उनले लुकास मोउराको पासमा गोल गरेका थिए ।

४४औं मिनेटमा मार्टिन ओडेगार्डले काइरनको पासमा गोल गर्दै खेललाई १–१ गोलको बराबरीमा ल्याए ।

खेलको ६४औं मिनेटमा लाकाजेटले पेनाल्टीमार्फत गोल गर्दै आर्सनललाई २–१ को अग्रता दिलाए ।

७६औं मिनेटमा टोटेनहम १० खेलाडीमा समेटियो ।

इरिक लमेला दोहोरो पहेँलो कार्ड खादै मैदानबाट बाहिरिएपछि टोटेनहम समस्यामा परेपनि त्यसपछि थप गोल निस्कन नसक्दा आर्सनलले जित हात पार्न सफल भयो ।

जितपछि आर्सनल २८ खेलबाट ४१ अंक जोडेर १०औं स्थानमा रहँदा पराजित टोटेनहमले पाँचौ स्थानमा उक्लने मौका गुमाएको छ ।

टोटेनहम २८ खेलबाट २८ अंक जोडेर सातौ स्थानमा रहेको छ ।

पीएसजी घरेलु मैदानमा नान्टेससँग पराजित
इंग्लिस प्रिमियर लिग फुटबलमा म्यानचेस्टर युनाईटेडको जित