अखबार नेपाल ट्रेन्डिङ

एजेन्सी: फ्रेन्च लिग वान फुटबलमा पेरिस सेन्ट जर्मेन (पीएसजी) घरेलु मैदानमा नान्टेससँग पराजित भएको छ ।

गएराति भएको खेलमा पीएसजी नान्टेससँग २-१ ले पराजित भएको हो ।

खेलको ४२औं मिनेटमा जुलियन ड्राक्सलरले गोल गर्दै पीएसजीलाई अग्रता दिलाएका थिए ।

तर, खेलको ५९औं मिनेटमा रान्डल कोलो मुआनीले गोल गर्दै नान्टेसलाई १-१ गोलको बराबरीमा ल्याए ।

त्यसपछि खेलको ७१औं मिनेटमा मोसेस सिमोनले गोल गर्दै नान्टेसलाई २-१ गोलको जित दिलाए ।

हारसँगै पीएसजीले लिगको शीर्ष स्थानमा उक्लने मौका गुमाएको छ ।

पीएसजी २९ खेलमा ६० अंक जोडेर दोस्रो स्थानमा रहेको छ ।

नान्टेस २७ अंक जोडेर रेलिगेसन क्षेत्रमा छ ।

हेर्नुहोस् तपाईको आज २०७७ चैत २ गते सोमबारको तपाईको राशिफल