अखबार नेपाल ट्रेन्डिङ

एजेन्सी: स्पेनिस क्लब बार्सिलोना च्याम्पियन्स लिग फुटबलबाट बाहिरिएको छ ।

च्याम्पियन्स लिगको अन्तिम १६ अन्तर्गत फ्रेन्च क्लब पेरिस सेन्ट जर्मेन (पीएसजी) सँग समग्रमा ५-२ गोलले पराजित हुँदै बार्सिलोना बाहिरिएको हो ।

गएराति भएको दोस्रो लेगमा बार्सिलोनाले पीएसजीसँग १-१ गोलको बराबरी खेलेको थियो ।

तर, पहिलो लेगमा व्यहोरेको ४-१ गोलको हारको कारण बार्सिलोनाको यात्रा अन्तिम १६ मै टुंगिएको हो ।

पीएसजी भने च्याम्पियन्स लिगको क्वाटरफाइनलमा प्रवेश गरेको छ ।

पिएसजीका लागि ३०औँ मिनेटमा केलियन एमबाप्पेले पेनाल्टी मार्फत गोल गरेका थिए ।

बार्सिलोनाका लागि ३७औँ मिनेटमा लियोनल मेस्सीले बराबरी गोल गरे ।

खेलमा एन्टोनियो ग्रीजम्यानलाई पीएसजीका कुर्जावाले फउल गरेपछि बार्सिलोनाले पेनाल्टी पाएको थियो ।

तर, मेस्सीको पेनाल्टी प्रहार पीएसजीका गोलकिपर नाभासले उत्कृष्ट बचाऊ गरेका थिए ।

यससँगै बार्सिलोना सन् २००६/७ को सिजनपछि पहिलो पटक क्वाटरफाइनलमा पुग्न असफल भएको छ ।

आज महाशिवरात्रि पर्व, कोरोना महामारीपछि पाशुपत क्षेत्रमा दर्शनार्थीको ओइरो