अखबार नेपाल ट्रेन्डिङ

एजेन्सी: इंग्लिस प्रिमियर लिग फुटबलमा एभर्टनले वेस्ट ब्रुमलाई १-० गोल अन्तरले पराजित गरेको छ ।

वेस्ट ब्रुमको मैदानमा एभर्टनलाई जित दिलाउन रिचार्लिसनले निर्णायक गोल गरे ।

पहिलो हाफ गोलरहित बराबरीमा सकिएको खेलको ६५ औं मिनेटमा रिचार्लिसनले गोल गरेका हुन् ।

जितसँगै एभर्टनले २६ खेलमा ४६ अंक जोडेको छ । एभर्टन लिगको पाँचौं स्थानमा रहेको छ ।

वेस्ट ब्रुम १२ अंक जोडेर रेलिगेसन क्षेत्रमा रहेको छ ।

प्रिमियर लिग अन्तर्गत नै अर्को खेलमा टोटेनहमले फुलहमलाई १-० ले हराएको छ ।

टोटेनहमको जितमा फुलहमका टोसीनले १९ औं मिनेटमा आत्मघाती गोल गरे ।

जितसँगै टोटेनहमले २६ खेलमा ४२ अंक जोडेको छ । टोटेनहम आठौं स्थानमा रहेको छ ।

फुलहम २३ अंक जोडेर १८ औं स्थानमा रहेको छ ।