अखबार नेपाल ट्रेन्डिङ

काठमाडौं: नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ नवलपुरको देवचुली नगरपालिका-१३ बाट सार्वजनिक भएका छन् ।

बिहीबार बेलुका नवलपरासी आएका विप्लवले त्यहाँ सहिद परिवारको घरमा रात बिताएका थिए । उनले त्यहाँ सहिद परिवारसँगै आफ्ना कार्यकर्तासँग भेटवार्ता गरेका थिए ।

विप्लव केन्द्रीय सदस्य बाला थापासहित सुरक्षा सहयोगीका साथमा आज काठमाडौं आईपुग्ने कार्यक्रम रहेको छ ।

आज प्रधानमन्त्री केपी शर्मा ओली र विप्लवले एउटै मञ्चबाट सहमति सार्वजनिक गर्ने कार्यक्रम तय भएको छ । कार्यक्रम राष्ट्रिय सभागृहमा दिउँसो २ बजे हुनेछ ।

सरकारले बिहीबार विप्लव समूहमाथि लगाएको प्रतिबन्ध फुकुवा गरेको थियो ।

हिंसात्मक गतिविधि गरेको भन्दै सरकारले २०७५ साल फागुन २८ गते विप्लव नेतृत्वको नेकपालाई प्रतिबन्ध लगाएको थियो ।