अखबार नेपाल ट्रेन्डिङ

एजेन्सी: लिभरपुलका मोहम्मद सलाह स्थान्तरणका लागि युरोपका विभिन्न ठूला क्लबसँग जोडिदै आएका छन् ।

स्पेनको रियल म्याड्रिड इजिप्टका स्टार फरवार्डलाई अनुबन्ध गर्न तयार रहेको त्यहाँका सञ्चार माध्यमले दाबी गरिरहेका छन् ।

आगामी ‘समर विन्डो’ सलाहका लागि रियल जाने मौका बन्न सक्ने उनीहरूको दाबी छ ।

रियलको नजर सलाह माथि रहेको भनेर स्पेनी सञ्चार माध्यमले दाबी गरिरहँदा त्यसै क्लबका पूर्व अध्यक्ष रामोन कालडेरोनले त्यस्तो दाबीमा सत्यता रहेको बताउँछन् ।

रियलका लागि सलाह खरिद सजिलो नभएको उनको भनाई छ ।

सलाहको लिभरपुलसँगको सम्झौता सन् २०२३ को जुन ३० मा सकिँदैछ ।

त्यस अघि नै रियलले सलाहलाई स्पेन लग्न प्रयास गर्ने कालडेरोनको दाबी थियो ।

सलाह विश्वस्तरिय खेलाडी हुन् ।

उनले लिभरपुललाई उपाधि जित्न सहयोग गरेका छन् ।

त्यसकारण लिभरपुलले उनलाई बेच्छ जस्तो लाग्दैन,’ कालडेरोनले इजिप्टको टेलिभिजन च्यानल अन टाइम स्पोर्टससँग कुरा गर्दै भने, ‘रियल सलाहलाई अनुबन्ध गर्न चाहान्छ ।

यदि लिभरपुल सलाहलाई बेच्न तयार भइहाल्यो भने पनि ठूलो सरुवा रकमको आवश्यकता पर्छ ।

रियलसँग त्यसका लागि आर्थिक स्रोत छ जस्तो लाग्दैन ।’

रियलका मुख्य स्ट्राइकर करिम बेन्जेमा करियरको उत्तरार्द्धमा रहेका एडेन हाजार्डले पनि स्वभाविक लय देखाउन नसकिरहँदा रियलमा अर्को विश्व स्तरिय खेलाडीको अभाव महसुस गरिएको छ ।

त्यसो त सलाह र हाजार्डले चेल्सीमा सँगै खेलेका थिए ।

रियलले यदि सलाहलाई भित्र्याउन सफल हुने हो भने यी दुई खेलाडीले जिदानको टिममा महत्वपूर्ण साझेदारी गर्न सक्नेछन् ।

यो पनि पढ्नु होस्

https://www.akhabarnepal.com/%e0%a4%86%e0%a4%9c-%e0%a4%ac%e0%a5%80-%e0%a4%a1%e0%a4%bf%e0%a4%ad%e0%a4%bf%e0%a4%9c%e0%a4%a8-%e0%a4%b2%e0%a4%bf%e0%a4%97%e0%a4%ae%e0%a4%be-%e0%a4%ae%e0%a4%a7%e0%a5%8d%e0%a4%af%e0%a4%aa%e0%a5%81/