अखबार नेपाल ट्रेन्डिङ

एजेन्सी: स्पेनिस क्लब बार्सिलोना च्याम्पियन्स लिग फुटबलको सेमिफाईनलमा प्रवेश गरेको छ । गएराति भएको क्वार्टरफाईनलको दोस्रो लेगको खेलमा ईङ्लिस क्लब म्यानचेष्टर युनाईटेडलाई पराजित गर्दै बार्सिलोना प्रतियोगिताको अन्तिम ४ मा प्रवेश गरेको हो ।

घरेलु मैदानमा भएको खेलमा बार्सिलोनाले म्यानचेस्टर युनाईटेडलाई ३-० गोल अन्तरले पराजित गरेको हो । बार्सिलोनाको जितमा लियोनल मेस्सीले दुई तथा फिलिप काउटिन्हाले एक गोल गरे । पहिलो लेगको खेलमा बार्सिलोना १-० ले अघि थियो । बार्सिलोना समग्रमा ४-० को नतिजा सहित अन्तिम ४ मा प्रवेश गरेको हो ।

घरेलु मैदानमा मेस्सीले १६ औ मिनेटमा टोलीलाई सुरुवाती अग्रता दिलाए । २० औ मिनेटमा उनले बार्साको अग्रता दोब्बर पारे । काउटिन्होले ६१ औ मिनेटमा गोल गर्दै टोलीको जित सुनिश्चित गरेको थिए । बार्सिलोनाले फाईनल प्रवेशका लागि लिभरपुल र पोर्टोबीचको विजेतासँग प्रतिस्पर्धा गर्नेछ ।