अखबार नेपाल ट्रेन्डिङ

एजेन्सी: अन्तर्राष्ट्रिय मैत्रीपूर्ण खेलमा फ्रान्स घरेलु मैदानमा पराजित भएको छ ।

गएराति भएको खेलमा फ्रान्स फिनल्याण्डसँग २-० गोल अन्तरले पराजित भएको हो ।

फ्रान्सविरुद्ध जित निकाल्न फिनल्याण्डका मार्कुस फोर्स र ओनी भालाकारीले एक एक गोल गरे ।

खेलको २८ औं मिनेटमा मार्कुसले गोल गर्दै फिनल्याण्डलाई अग्रता दिलाएका थिए ।

त्यसपछि खेलको ३१ औं मिनेटमा ओनीले गोल गर्दै फिनल्याण्डलाई २-० को जित दिलाए ।

घरेलु मैदानमा बल पोजिसनमा एकतर्फी पकड जमाएपनि फ्रान्सले गोल गर्न सकेन ।

नेसन्स लिग अन्तर्गत समूह चरणमा प्रतिस्पर्धा गरिरहेका दुई टिमबीच मैत्रीपूर्ण खेल भएको हो ।