अखबार नेपाल ट्रेन्डिङ

एजेन्सी: इण्डियन प्रिमियर लिग (आईपीएल) क्रिकेटमा सनराईजर्स हैदराबादले राजस्थान रोयल्सलाई ८ विकेटको फराकिलो अन्तरले पराजित गरेको छ ।

टस हारेर पहिले ब्याटिङ्ग गरेको राजस्थानले १ सय ५५ रनको लक्ष्य प्रस्तुत गरेको थियो ।

जवाफमा हैदराबादले १८ दशमलब १ ओभरमा जम्मा २ विकेट गुमाएर १ सय ५६ रन बनाउँदै जित हात पार्यो ।

हैदराबादलाई जित दिलाउन मनिष पाण्डेले आईपीएल करियरको १८औं अर्धशतक प्रहार गर्दै ८३ नटआउट रनको ईनिङ्ग खेले ।

यस्तै विजय शंकरले ५२ रनको योगदान गर्दै आफ्नो तेश्रो अर्धशतक पूरा गरे ।

राजस्थानका जोफ्रा आर्चरले हैदराबादको दुबै विकेट लिए ।

राजस्थानलाई बिशाल योगफल बनाउन हैदराबादका बलर जेशन होल्डरको कसिलो बलिङ्ग बाधक बन्यो ।

राजस्थानले २० ओभरमा ६ विकेट गुमाएर १ सय ५४ रन जोडेको थियो ।

यो जितसँगै हैदराबाद आईपीएलको अंक तालिकाको पाँचौ स्थानमा पुगेको छ भने राजस्थान सातौ स्थानमा छ ।