अखबार नेपाल ट्रेन्डिङ

एजेन्सीः विश्वकप छनोटमा ब्राजिलले पेरुमाथि ४–२ गोल अन्तरको सानदार जित निकालेको छ ।

आज बिहान भएको खेलमा ब्राजिलका लागि नेयमारले ह्याट्रिक गरे ।

खेलमा अग्रता पेरुले छैटौं मिनेटमा आन्द्रे कारिलोको गोलबाट लिएको थियो ।

२८ औं मिनेटमा नेयमारले पेनाल्टीमार्फत खेल बराबरीमा ल्याए । ५९ औं मिनेटमा रेनाटो तापियाले गोल गर्दै पेरुलाई २–१ ले अघि बढाए ।

त्यसको ५ मिनेटपछि रिचार्डलिसनले ब्राजिलका लागि बराबरी गोल फर्काएका थिए ।

बराबरीतर्फ उन्मुख खेलको ८३औं मिनेटमा नेयमारले गोल गर्दै ब्राजिलका लागि जित उन्मुख बनाए ।

खेल सकिन एक मिनेट बाँकी छँदा कार्लोस जान्ब्रानो रातो कोर्ड खादै मैदान बाहिरिएपछि पेरु १० खेलाडीमा सिमिति बनेको थियो ।

दोस्रो हाफको इन्जुरी समयमा नेयमारले ह्याट्रिक पुरा गर्दै ब्राजिललाई शानदार जित दिलाए ।