अखबार नेपाल ट्रेन्डिङ

एजेन्सी: स्पेनिस लालिगाको चौथो चरणको खेलमा गेटाफेले रियाल बेटिसलाई ३-० गोल अन्तरले पराजित गरेको छ ।

गेटाफेको जितमा एन्जेल रोड्रिग्वेजले दुई तथा मार्क कुर्कुरेलाले एक गोल गरेका थिए । रोड्रिग्वेजले १३औं मिनटमा गोल गरेका थिए ।

खेलका ३९औं मिनटमा कुर्कुरेलाले गोल गर्दै गेटाफेलाई दोश्रो अग्रता दिलाएका थिए । यसपछि ४२औं मिनटमा बेटिसले मिडफिल्डमा पोजेसन गुमाएपछि रोड्रिग्वेजले ब्यक्तिगत दोश्रो गोल गर्दै गेटाफेलाई पहिलो हाफमा नै ३–० को अवस्थामा पुर्याएका थिए ।

बेटिसको लागि खेलको ८३औं मिनटमा अलिस्सा मान्डी दोहोरो पहेलो कार्ड खाँदै मैदानबाट बाहिरिएपछि बेटिस दश खेलाडीमा सिमित बन्न पुगेको थियो ।

बाँकी समयमा दुबै पक्षबाट कुनै गोल नभएपछि गेटाफेले बेटिसबिरुद्धको खेलमा जित निकाल्यो । जितसँगै ७ अंक जोडेको गेटाफे अंक तालिकाको शिर्ष स्थानमा छ ।