अखबार नेपाल ट्रेन्डिङ

काठमाडौं: अमेरिकाको नेपाली राइनोज क्रिकेट क्लबले दुबै मृगौला फेल भएर डायलोसिस गराईरहेका क्रिकेट खेलाडी कुन्दन सिंहलाई आर्थिक सहयोग गरेको छ ।

राष्ट्रिय खेलाडी सुवास खकुरेलको पहलमा अमेरिकास्थित टेक्ससमा रहेको क्लबले नेपालमा बिरामी रहेका २५ बर्षीय यी खेलाडीलाई सहयोग गरेको हो ।

सहयोग गर्नेमा क्लबका तथा नेपालका पूर्व खेलाडी कनिष्क चौलागाई, वरदान चालिसे, राकेश कर्ण, बन्तु बताजु रहेका छन भने क्लबका अन्य सदस्यहरुमा आशिष लामा र सन्जय शर्माले पनि सहयोग गरेका छन ।

करिब ११ महिना दुबै मृगौला फेल भएर आर्थिक अवस्था कमजोर भएका कुन्दन अहिले क्रिकेट अभियान्ता, क्रिकेट संघ तथा क्रिकेट खेलाडीहरुको सहयोगमा भारतमा उपचार गराईरहेका छन ।