अखबार नेपाल ट्रेन्डिङ

एजेन्सी: च्याम्पियन्स लिग फुटबलको उपाधिका आज राति दुई ठुला क्लब पेरिस सेन्ट जर्मेन (पीएसजी) र बायर्न म्युनिखबीच प्रतिस्पर्धा हुँदैछ ।

फ्रान्सको लिग च्याम्पियन पीएसजी र जर्मन बुन्डेसलिगा च्याम्पियन बार्यनबीचको उपाधि भिडन्त नेपाली समय अनुसार राती १२:४५ मा हुनेछ ।

पोर्चुगलको लिस्बनमा हुने फाइनल खेलमा दुबै उपाधि रक्षाको दौडमा हुनेछन् ।

पीएसजी पहिलो पटक च्याम्पियन्स लिगको फाइनलमा पुगेको हो । क्वाटरफाइनलमा इटालियन क्लब एटलान्टालाई अन्तिम तीन मिनेटमा २ गोल गर्दै पुनरागमन जित निकालेपछि र त्यसअघिका सबै खेलमा पीएसजी सहज रुपमा विजयी भएको छ ।

यता छैटौं पटक च्याम्पियन्स लिगको उपाधि उचाल्ने योजनामा रहेको जर्मन क्लब बायर्न पनि उपाधिकै अभियानमा छ । धेरै स्टार खेलाडीको साथ पाएको बार्यन च्याम्पियन्स लिगको फाइनलसम्म पुग्दा १० खेलमा अपराजित छ ।

बार्यनले क्वाटरफाइनलमा बार्सिलोनालाई ८–२ ले हराएको थियो ।

यसअघि बायर्नले अन्तिम पटक सन् २०१३ मा च्याम्पियन्स लिगको उपाधि जितेको थियो । त्यसपछिका केही संस्करणमा सेमिफाइनलबाट अघि बढ्न सकेको छैन । बार्यन च्याम्पियन्स लिग इतिहासमा धेरैपटक अन्तिम चारबाट बाहिरिएको छ ।

अहिलेसम्म च्याम्पियन्स लिग फुटबलमा यी दुई टोलीबीच तीन पटक प्रतिस्पर्धा भएको छ । जसमा दुई पटक बार्यन जित्दा १ खेल पीएसजीले जितेको छ ।