अखबार नेपाल ट्रेन्डिङ

एजेन्सीः जर्मन क्लब डायनामो ड्रेसडेनले पुरै टिमलाई दुई हप्ताका लागि आईसोलेसनमा पठाएको छ । दुई जनामा कोरोनाको संक्रमण देखिएपछि शनिबार पुरै टिमका खेलाडी तथा स्टाफलाई दुई हप्ताका लागि आईसोलेनमा लगिएको हो । बुन्डेस लिगा र दोस्रो डिभिजनको लिग मे १६ बाट सुरु हुँदैछ ।

अबरुद्ध लिग सुरु हुनु हप्ता दिन अघि दोस्रो डिभिजनको क्लबका सबै खेलाडी तथा अफिसियल दुई हप्ताका लागि आईसोलेसनमा राखिएको छ । कोरोनाका कारण युरोपको शीर्ष डिभिजनको क्लब फुटबल अबरुद्ध छ । तर कोरोनाको महामारीपछि सुरु हुन लागेको बुन्डेस लिगा युरोपको शीर्ष डिभिजनको लिग फुटबल हो ।

बिहिबार मात्र जर्मन फुटल एसोसिएसनले अबरुद्ध सिजन कडा स्वास्थ्य निगरानीमा सुरु गरिने बताएको थियो । मैदानमा दर्शकलाई प्रतिबन्ध लगाउँदै आवश्यक खेलाडीको कोरोनाको परिक्षण गरिने उल्लेख गरिएको थियो । खेलको दौरानमा स्टेडियमका खेलाडी, स्टाफ, अफिसियल गरि करिब ३ सय मानिस उपलब्ध हुने बताईएको छ ।