अखबार नेपाल ट्रेन्डिङ

एजेन्सीः स्पेनिस फुटबल ला लिगाका अध्यक्ष ज्याभिएर टेवासले कोरोना भाइरस संक्रमणका कारण रोकिएका लिगका बाँकि खेल हुनेमा विश्वस्त रहेको बताएका छन् । कोरोनाको कारण अरु देश लगायत स्पेनमा पनि गत मार्च महिनादेखि सबै फुटबल गतिविधीहरु रोकिएको थियो ।

ला लिगा अध्यक्ष टेवासले एउटा टेलिभिजन अन्तर्वार्ताका दौरान भने, ‘हामी स्पेन सरकार तथा राष्ट्रपति प्रति अभार प्रकट गर्छौँ । राष्ट्रपतिले फुटबल यो देशको आर्थिक हिसाबमा कति महत्त्वपूर्ण छ भन्ने बुज्दै ला लिगाको बाकी खेलहरु सक्काउने अनुमति दिनुभयो ।’ फ्रान्समा लिग रद्द भएपछि स्पेनमा पनि लिग रद्द हुने खतरा थियो । त्यो बिषयमा लिग कमिटिले सरकारसँग छलफल गरेको थियो छलफल पछि उपयुक्त मौका हेरेर लिग गराउन सरकारले भनेको थियो ।

स्पेनमा कम्तिमा जुन २८ सम्ममा लिग सुरु गर्न भनिएको छ । लिग कमिटि सोही अनुसार जनस्वास्थ्यलाई ध्यानमा राखेर लिग गर्ने योजनामा छ । ला लिगामा अब कुल ११ चरणका खेल बाँकी छन् । २६औँ चरण सकिँदा फुटबल क्लब बार्सिलोना २७ खेलमा ५८ अन्क सहित शिर्ष स्थानमा छ भने बार्सिलोना भन्दा २ अंक कम भएको रियल मड्रिड दोश्रो स्थानमा छ ।