अखबार नेपाल ट्रेन्डिङ

एजेन्सी: एएफसी यु–२३ एसियन कप छनोटको दोस्रो खेलमा आज नेपालले आयोजक ताजकिस्तानसँग खेल्दैछ ।

रिपब्लिकन सेन्ट्रल स्टेडियममा हुने प्रतिस्पर्धामा नेपाल घरेलु टोलीलाई स्तब्ध बनाउँदै अंक खोस्ने अभियानमा छ ।

नेपाल र ताजकिस्तानबीचको खेल नेपाली समय अनुसार साँझ ७:४५ बजे सुरु हुनेछ ।

एएफसी यु–२३ एसियन कप छनोट अन्तर्गत पहिलो खेलमा बलियो टोली इरानसँग ४–० गोलले पराजित भएकाले पनि नेपाल घरेलु टोलीविरुद्ध मैदान उत्रँदा पहिलो अंकको खोजीमा हुनेछ ।

हारबाट प्रतियोगिताको सुरुआत गरेको नेपाललाई आजको खेलमा जितको विकल्प हुने छैन ।

आफ्नो पहिलो खेलमा ताजकिस्तानले लेबनानलाई हराउँदै प्रतियोगितामा सुखद् सुरुवात गरेको थियो ।

सोही लयलाई ताजकिस्तान निरन्तरता दिने अभियानमा छ ।

समूह ‘बी’मा तीन अंक जोडेको इरान शीर्ष र तीन अंक नै जोडेको ताजकिस्तान दोस्रो स्थानमा छ ।

अंकविहीन लेबनान तेस्रो र नेपाल पुछारमा छ ।

एसियन कप छनोट अन्तर्गत नेपालले अन्तिम खेलमा लेबनानसँग आगामी आइतबार खेल्नेछ ।

११ समुहका शीर्ष टोलीसहित उत्कृष्ट चार उपविजेता टोलीले एएफसी एसियन कप खेल्नेछन् ।

उज्वेकिस्तानमा हुने फाइनल चरणको प्रतियोगिता २०२२ को जुन महिनामा आयोजना हुने तालिका रहेको छ ।

यो पनि पढ्नु होस्ः

इंग्लिस फुटबल लिगअन्तर्गतको काराबाओ कपमा लिभरपुल र टोटेनहम ईएफएल कपको अन्तिम आठमा साविकको विजेता म्यानचेस्टर सिटी लिग कपबाट बाहिरियो