अखबार नेपाल ट्रेन्डिङ

प्रदेश नं.२ः सिरहा गाेलबजार नगरपालिकाकाे आयोजनमा शहिद दानी थापा र पञ्चलाल थापाको ११औं स्मृतिमा तेस्रो गोलबजार उप–प्रमुख राष्ट्रिय कराँते प्रतियोगिता हुने भएको छ ।

यही असोज १५ र १६ गते दुई दिन सिरहाको तेतरीया जम्दह स्थित सरस्वती मा. विको प्रागनमा प्रतियोगिता संचालन हुने गोलबजार प्रशिक्षण केन्द्रका प्रशिक्षक कसम लामाले बताउनु भयो ।

दुई दिनसम्म चल्ने प्रतियोगितामा कुल ८४ पदकको लागि दश टिमको २०० भन्दा बढी खेलाडीले प्रतिस्पर्धा गर्ने छन् ।

जसमा स्वर्ण २१, रजत २१ र कास्य ४२ हुनेछ ।

प्रतियोगितामा टिम प्रथम, द्दितीय र तृतीय हुनेले नगद पुरुस्कार पनि पाउने छन् ।

उक्त प्रतियोगिताकाे पुरुष र महिला उत्कृष्ट एक- एक खेलाडीले जनाही दश हजार नगद पुरुस्कार पाउने छन ।

त्यसैगरी उदयमान पुरुष र महिला खेलाडीले समान सात हजार नगद पुरुस्कार पाउने छन् ।

तीन दिन सहभागि खेलाडी, प्रशिक्षक तथा अफिसियल सबैलाई खाजा ,खाना र बस्ने व्यवस्था समेत आयोजकले मिलाएको प्रशिक्षक लामाले बताउनु भयो ।

शहिद दानी थापा र पञ्चलाल थापाको ११औं स्मृतिमा तेस्रो गोलबजार उप–प्रमुख राष्ट्रिय कराँते प्रतियोगितामा हुने खेल विधा तर्फ पुरुष एकल काता र महिला एकल काता हुनेछ ।

त्यस्तै फाईट विधा तर्फ पुरुष तौल समुह २५ के.जी ३० के.जी ३५ के.जी ४० के.जी ४५ के.जी ५० के.जी ५५ के.जी ६० के.जी –६७ के.जी र ७५ के.जी माथि हुनेछ ।

त्यसैगरि महिला तौल समुह तर्फ ३० के.जी ३५ के.जी ४० के.जी ४५ के.जी  ५० के.जी  ५५ के.जी  –६१ के.जी –६८  के.जीर ६८ के.जी माथि हुनेछ ।

दुई दिन सम्म चल्ने प्रतियोगिता विश्व कराँते महासंघ, एसियन कराँते महासंघ र नेपाल कराँते महासंको नियम अनुसार खेल खेलाईने आयोजक तथा गोलबजार प्रशिक्षण केन्द्रका प्रशिक्ष कसम लामाले बताउनु भएको छ ।

याे पनि पढ्नु हाेस्: