अखबार नेपाल ट्रेन्डिङ

एजेन्सीः क्रिस्टियानो रोनाल्डोले खेलको अन्तिम मिनेटमा गरेको गोलले मान्यता पाएन ।

युभेन्ट्सले इटालियन सिर ‘ए’ लिगमा सुखद सुरुआत गर्ने लक्ष्यले पूर्णता पाउन सकेन ।

इटालियन सिरी ‘ए’ अन्तर्गत आइतबार भएको खेलमा युभेन्ट्स युडिनेसीसँग २–२ को बराबरीमा रोकिएको छ ।

प्रशिक्षक मासिमिलियानो एलेग्रीले रोनाल्डोलाई सुरुआती ११ मा स्थान दिएका थिएनन् ।

पछिल्लो केही दिन यता रोनाल्डो रियाल मड्रिड फर्कन लागेको खबर सार्वजनिक भइरहेको छ ।

स्वयम् रोनाल्डो र एलेग्रीले तथ्यहीन खबरको पछि नलाग्न पनि आग्रह गरेका थिए ।

एलेग्रीले रोनाल्डोलाई समावेश गर्दै आफुले टोलीको रणनीति तयार पारेकाले भ्रममा नपर्न समेत आग्रह गरेका थिए ।

क्रिस्टियानो रोनाल्डो टोलीका सधैं प्रमुख खेलाडी हुन् ।

आज सिजनको पहिलो खेल थियो ।

त्यसैले मैले रोनाल्डोलाई सुरुआती ११ मा समावेश नगरेको हुँ।

एलेग्रीले भने, उनी वैकल्पिक खेलाडीका रूपमा मैदान प्रवेश गरे ।

उनकै गोलमा टोली स्पष्ट ३ अंकका साथ सुखद सुरुआतको संघारमा पुगे पनि हामी त्यसमा सफल भने हुन सकेनौं ।’

पहिलो हाफमा पाउलो डिबाला र हुवाँ क्वाडार्डोको समान एक गोलमा युभेन्ट्सले पहिलो हाफमै २–० को अग्रता लिएको थियो ।

तेस्रो मिनेटमा डिबालाको गोलमा अग्रता लिएको युभेन्ट्सको अग्रता २३औ मिनेटमा क्वाडार्डोले दोब्बर पारेका थिए।

दोस्रो हाफमा गोलकिपर वाइजे स्चिन्सेको दुई गम्भीर गल्तीमा युडिनेसी खेलमा फर्किएको थियो ।

५१औं मिनेटमा रोबेर्टो पिइरेराले गरेको पेनाल्टीको सदुपयोग गर्दै युडिनेसीलाई खेलमा फर्काउने संकेत गरेका थिए ।

स्चिन्सेले तोलगे आर्सलानलाई लडाएपछि युडिनेसीले खेलमा पेनाल्टीको अवसर प्राप्त गरेको थियो ।

८३औँ मिनेटमा जेरार्ड डेउलुफुले स्चिन्सेकै गल्तीको फाइदा उठाउँदै युडिनेसीलाई खेलका फर्काएका थिए ।

इन्जुरी समयको चौथो मिनेटमा रोनाल्डोले हेडर गोलमार्फत युभेन्ट्सलाई अग्रता दिलाउँदै स्पष्ट ३ अंकको संघारमा पुर्याीएका थिए ।

तर भिडियो सहायक रेफ्री (भिएआर)ले अफसाइड भन्दै सो गोलले मान्यता पाएन।

यो पनि पढ्नु होस्ः राष्ट्रिय क्रिकेट टिमको १७ सदस्यीय टोली आज ओमान प्रस्थान