अखबार नेपाल ट्रेन्डिङ

एजेन्सीः एएसबीसी च्याम्पियनसिप युनाइटेड अरब इमिरेटसमा नेपाली खेलाडी छिरिङ वाङ्दी शेर्पा सेमिफाईनलमा प्रवेश गरेका छन् ।

नेपाली बक्सिङ खेलाडी छिरिङ वाङ्दी शेर्पाले युनाइटेड अरब इमिरेटस् (यूएई) मा कुवेतका खेलाडीलाई पराजित गर्दै एएसबीसीको सेमिफाइनलमा प्रवेश गरेकम छन् ।

यूएईमा भइरहेको एएसबीसी एसियन युथ एण्ड जुनियर बक्सिङ च्याम्पियनसिपमा शेर्पाले कुवेतका मोहम्मद अलिनेजी मोहम्मदलाई पराजित गरेको हो ।

जुनियर इभेन्टतर्फ शेर्पाले कुवेतका मोहम्मदलाई ब्यान्टम ५४ कि.जी तौल समुह तर्फ क्वाटर फाइनलमा ५–० अङ्कले पराजित गर्दै सेमिफाइनल प्रवेश गरेका हुन् ।

यूएईबाट नेपाली टोलीका प्रशिक्षक डम्वरदत्त भट्टले जानकारी दिनु भएको हो ।

शेर्पाले आज सेमिफाइनल खेल्ने छन् ।

यस्तै जुनियर तर्फ महिला ५२ कि.जी तौलमा नेपालकी स्वस्तिका तिरुवाले पनि पदक पक्का गरेकि छिन् ।

स्वस्तिकाको तौल समुहमा कुल चार जना खेलाडी मात्र सहभागी भएका थिए ।

प्रतियोगितामा नेपालबाट शेर्पा र तिरुवासँगै पुरुषतर्फ ६० कि.जी तौलमा इन्द्रबहादुर सुनार, ५४ कि.जी तौलमा सुलभ माली र ७१ कि.जी तौलमा सुदेन गिरी तथा महिला ५७ कि.जी तौलमा नारिका राई गरी ६ खेलाडीले प्रतियोगितामा सहभागी जनाएका थिए ।

गएको महिना ललितपुरको सातदोबाटोमा सम्पन्न छनोट प्रतियोगिताबाट युएईमा भाग लिने खेलाडीको छनोट गरिएको थियो ।

टोलीमा ओलम्पियन एवं प्रशिक्षक दीपक महर्जन, सन्दीप श्रेष्ठ र दुर्गा गहतराज सहभागी छन् ।

टोलीको व्यवस्थापकमा नेपाल बक्सिङ संघका सदस्य मानबहादुर भण्डारी र झापा जिल्ला बक्सिङ संघका सदस्य तर्कराज राई रहेका छन् ।

प्रतियोगिता आउँदो असोज १५ गतेसम्म सञ्चालन हुनेछ ।

यो पनि पढ्नु होस्ः एथ्लेटिक विल्बाओे र बार्सिलोनाले बराबरिमा राेकिए