अखबार नेपाल ट्रेन्डिङ

धनगढी: हातमा लगाएको चाँदीको बालाको लोभमा भाइको हत्या गर्ने दिदीलाई प्रहरी सार्वजनिक गरेको छ ।

कैलालीको टीकापुरमा मृत फेला परेका साढे तीन वर्षीय नाबालक विवेक विष्टको हत्या आरोपमा दिदी नाता पर्ने १५ वर्षीया युवती र उनकी साथीलाई प्रहरीले पक्राउ गरेको हो ।

‘प्रारम्भिक अनुसन्धानको क्रममा नाबालकको हत्या उनकै दिदीले गरेको देखिएको प्रहरीले जानकारी दिएको छ ।

दिदी नाता पर्ने युवतीले जमरा कुलोमा धक्का दिएर विवेकको हत्या गरेको स्वीकारेकी छिन् । विवेकले लगाएको बाला ती युवतीको साथीसँग फेला परेकोले उनलाई पनि पक्राउ गरिएको छ ।

घटना थाहा पाउलान भनेर ती युवतीले साथीकोमा गएर किताब ल्याएको र बाला साथीलाई लुकाउन दिएका थिए ।

उक्त बाला बजारमा लगेर बेच्ने प्रयास समेत गरेको अनुसन्धानबाट खुलेको छ । प्रहरीले आज पत्रकार सम्मेलन गरी आरोपितलाई सार्वजनिक गरेको हो ।