अखबार नेपाल ट्रेन्डिङ

काठमाडौं: माध्यमिक शिक्षा परीक्षा (एसईई) मा एनजी (ननग्रेडेड) आएका ५ जना विद्यार्थीको रिटोटलिङपछि ४ जीपीए आएको छ । राष्ट्रिय परीक्षा बोर्डले गत असार असार १३ गते सार्वजनिक गरेको एसईईको रिटोटलिङको नतिजा सार्वजनिक गरेको छ ।

जसमा ४ हजार २९७ जना विद्यार्थीको पुनर्योगको नतिजा सार्वजनिक गरिँदा ५ जना एनजी आएका विद्यार्थीको ४ जीपीए आएको हो । रिटोटलिङको ५९ विद्यार्थीको नतिजा परिवर्तन भएर ४ जीपीए आएको छ । बोर्डले नतिजामा चित्त नबुझेका विद्यार्थीहरूलाई असार ३१ गतेसम्म अनलाइनमार्फत निवेदन दिन आह्वान गरेको थियो ।

उक्त क्रममा १९ हजार ६०० विद्यार्थीले रिटोटलिङका लागि आवेदन दिएका थिए । प्राप्त आवेदनहरूमध्ये बोर्डले पहिलो चरणको नतिजा सार्वजनिक गरेको छ । राष्ट्रिय परीक्षा बोर्ड परीक्षा नियन्त्रण कार्यालयले धेरै अङ्क इन्ट्री गर्दा, केही टाइपिङ गलत हुँदा नतिजा फरक परेको जनाएको छ ।