अखबार नेपाल ट्रेन्डिङ

काठमाडौं: प्रधानमन्त्री केपी शर्मा ओली आजदेखि ६९ औं बर्षमा प्रवेश गरेका छन् । जन्मदिनलाई विशेष बनाउन प्रधानमन्त्री ओली जन्मथलो तेह्रथुमको आठराइ गाउँपालिका जाने भएका छन् । जन्मदिन मनाउन प्रधानमन्त्री ओली हेलिकोप्टर मार्फत् आठराइ, सल्ले जान लागेको प्रधानम्त्रीका प्रेस सल्लाहकार सूर्य थापाले जानकारी दिएका छन् ।

आज प्रधानमन्त्रीको ओलीको ६९ औं जन्मदिन हो । उनको जन्म २००८ साल फागुन ११ गते तेह्थुमको आठराईमा भएको हो । मिर्गौला प्रत्यारोपणपूर्व जन्मथलो जाने ईच्छा भएपछि पुख्र्यौली घर रहेको स्थानमा आफ्नै खर्चमा हेलिप्या डसमेत बनाएको प्रधानमन्त्रीको सचिवालयले जानकारी दिएको छ । पुख्यौली घरजग्गालाई ट्रष्टको रूपमा विकास गर्ने ओलीको योजना छ । आफ्नो घरजग्गामा प्राविधिक शिक्षालय खोल्ने समेत ओलीको इच्छा रहेको बताइएको छ ।

जन्मथलो गएका बेला प्रधानमन्त्री ओलीले तेह्रथुम, पाँचथरमा खानेपानी आयोजना र सल्ले-ढुङ्गेसाँघु-ताप्लेजुङ जोड्ने सडक समेत शिलान्यास गर्ने कार्यक्रम रहेको छ ।