अखबार नेपाल ट्रेन्डिङ

काठमाडौं: भारतले हालै सार्वजानिक गरेको नयाँ नक्साको विरोध गर्दै नेकपा (माओबादी केन्द्र) अन्तर्गत रहेको वाईसिएलका उपाध्यक्ष प्रकाश दुमी राईले भारतको हेपाह प्रवृत्तिप्रति कडा आपत्ति जनाएका छन् ।

भारतको नयाँ नक्सामा लिपुलेक, लिम्पियाधुरा र कालापानी समावेश भएकोमा उपाध्यक्ष राईले सामाजिक सञ्जाल मार्फत टिप्पणी गर्दै उनले लेखेका छन्- ‘कालापानी, लिपुलेक र लिम्पियाधुरा हाम्रो भूमि हो । यो आपत्तिजनक र अस्वीकार्य कार्यको तत्काल सशक्त प्रतिवाद नेपाल सरकारबाट हुनुपर्दछ ।’

उनले थप्दै लेखेका छन्, ‘हेक्का रहोस् भारत सरकारले भर्खरै जारी गरेको नक्सा चाँडो भन्दा चाँडो नसच्याईए युवा कम्युनिष्ट लिग (YCL)ले भारत सरकारविरुद्ध आन्दोलनको आँधिबेहरी ल्याउनेछ । नेपाल सरकार नेपालभूमि अतिक्रमण बारे आफ्नो धारणा छिटो सार्वजानिक गर । देशभक्त नेपालीहरु एक हौ । भारतीय डनवाद-मुर्दावाद ।’ भनि अभिव्यक्ति दिएका छन् ।

भारतले नयाँ सार्वजानिक गरेको नक्साप्रति चारैतिर नेपालमा तिव्र आलोचना भईरहेको छ ।