अखबार नेपाल ट्रेन्डिङ

काठमाडौं: कर्मयोगी बद्री बिक्रम थापाको ९७औं जन्मस्मृति सभा मनाईएको छ । २०५३ सालमा स्थापना भएको गुठीले हरेक बर्षको श्रावण ११ गते जन्मस्मृति सभा मनाउदै आईरहेको छ ।

गुठिको २२औ स्मृति सभामा प्रमुख आतिथि सम्माननीय पूर्व प्रधानन्ययधिश शुशिला कार्की लगायत सभामा विशिष्ट अतिथिमा तुलसी दिवस, वरिष्ठ गितकार डा. रत्नशम्शेर थापा, लेखक तथा समालोचक सिकेलाल, गुठिका सदस्य सचिव डा. चिन्तामणी योगी लागायतका व्यक्तित्वहरुको उपस्थिति थियो ।

जन्मस्मृति सभा कार्यक्रममा समाजसेवी ८६ बर्षीय सगुन शाह र वरिष्ठ गितकार डा. रत्नशम्शेर थापालाई सम्मान गरिएको थियो । त्यस्तै हिन्दु बिद्यापिठ दाङकी कक्षा ११ मा अध्ययनरत छात्रा प्रतिभा चौधरीलाई नगद १० हजार रुपैयाँ र प्रमाण पत्र सहित बद्री बिक्रम थापा चरित्र निर्माण पुरस्कार प्रदान गरिएको थियो ।

त्यसैगरी सत्यमोहन जोशी राष्ट्रिय यूवा पुरस्कार सेवा गुठीलाई तीन लाख बराबरको अक्षयकोष राशी प्रदान गरि गुठीका अध्यक्ष सस्कृतिविद् सत्यमोहन जोशीलाई अभिनन्दन समेत गरिएको थियो ।

जन्मस्मृति सभामा आगामी आ व २०७७/०७८ मा जन्मस्मृति सभालाई अझ बिशेष रुपमा मनाउने योजना अघि बढाईएको बद्री बिक्रम थापाका सुपुत्र किरण थापाले जानकारी गराए ।
– दिनेश महर्जन