अखबार नेपाल ट्रेन्डिङ

काठमाडौ: नेपाली कांग्रेसका प्रभावशाली नेता शेखर कोईराला पक्षले समानुपातिकको बन्दसूचीलाई लिएर पार्टी कार्यालयमै धर्ना दिने बताईरहँदा पार्टीमा संस्थापन पक्षमा छटपटी शुरु भएको छ ।

पार्टी सभापति शेरबहादुर देउवाबिरुद्ध एक्सनमा उत्रिएका शेखर पक्षले खबरदारी सभाका साथै गुटगत भेला र पार्टी कार्यालयमै धर्ना दिने तयारी गरिरहँदा संस्थापन पक्षले भने त्यसको रियाक्सन जनाउने तयारी गरेको छ ।

शेखरपक्षले भ्रम फैलाएको भन्दै काउन्टर एट्याक्टको रुपमा आज संस्थापन पक्षले पत्रकार सम्मेलन गर्न लागेको हो । पार्टी मुख्यालय सानेपामा दिउसो ३ बजे पत्रकार सम्मेलन गर्ने तयारी संस्थापन पक्षले गरेको छ ।

शेखर पक्षले ६० \४० को माग गर्दै विभिन्न खालको रणनीतिक कदम चालिरहेको छ । उनीहरुले पार्टी सभापति देउवालाई घुडा टेकाउनका लागि कदलम चालिरहँदा संस्थापनको यो कदमलाई पार्टीभित्र आन्तरिक समिकरण मिलाउनको लागि गरिएको कदमको रुपमा बुझिएको छ ।

असोज १४ गतेसम्म बन्दसूची नसच्याए कडा कदम चाल्ने कोइराला पक्षको चेतावनी छ । उसले १२ गते पार्टी कार्यालयमा धर्ना कार्यक्रम राखेको छ । शुक्रबारदेखि कोइराला पक्षले सभापति शेरबहादुर देउवामाथि दबाब बढाउन खबदारी भेला गर्दै आएको छ । चुनावको मुखमा पार्टीभित्र बखेडा झिक्ने काम भएको भन्दै संस्थापन पक्षले पत्रकार सम्मेलन गर्न लागेको बुझिएको छ ।