अखबार नेपाल ट्रेन्डिङ

काठमाडौ : निलम्बिवत पूर्वप्रधानन्यायाधीश चोलेन्द्र शमशेर राणालाई भेट्न मानव अधिकार आयोगको टोली उनको निवास पुगेर फर्किएको छ ।

आज सर्बोच्च अदालत जान ठिक्क परेका जबरालाई सरकारले घरबाट निस्किन नदिएर राखेको कुरा बाहिर आएपछि उनलाई भेट्न आयोगको टोली जबरा निवास पुगेको हो ।

आयोगको टोलीले जबरासँग भेटे पनि के के कुरा भयो भन्ने कुरा बाहिर आएको छैन ।

राणाविरुद्ध गत फागुन १ गते ९८ सांसदले महाभियोग प्रस्ताव दर्ता गराएका थिए । प्रतिनिधि सभाको कार्यकाल अन्त्य भएर आजबाट नयाँ निर्वाचनको कार्यक्रम शुरु भएको छ । प्रतिनिधि सभाको कार्यकाल शनिबार राति अबेरबाट सकिएको छ।

संविधानको धारा १०१ को उपधारा ९६० र प्रतिनिधि सभा नियमावली २०७५ को नियम १६१ को उपनियम ९ मा महाअभियोगको कारबाही प्रारम्भ भएपछि त्यस्तो कारबाहीको टुंगो नलागेसम्म प्रधानन्यायाधीशले आफ्नो पदको कार्यसम्पादन गर्न नपाउने व्यवस्था छ ।