अखबार नेपाल ट्रेन्डिङ

काठमाडौं: नेत्र विक्रम चन्द विप्लव नेतृत्वको नेकपाले आह्वान गरेको नेपाल बन्दको प्रभाव देशभर आशिंक प्रभाव परेको छ । विप्लव माओवादीले कार्यकर्ताको हत्या भएको भन्दै नेपाल बन्दको आव्हन गरेको हो ।

नेपाल बन्दका कारण सार्वजनिक बस सञ्चालनमा नआए पनि नीजि सवारी साधन भने सञ्चालनमा आएका छन् । स्कुल कलेज, पसल र कलकारखना भने बन्द छन् । बिहानैदेखि बन्दको आशिंक प्रभाव देशभर परेको छ । बन्दलार्इ मध्यनजर गर्दै देशभरको सुरक्षा व्यवस्था कडा पारिएको नेपाल प्रहरीले जनाएको छ । ठाउँठाउँमा हतियार सहितका प्रहरी परिचालन गरिएको छ ।

उपत्यका बाहिरका बिभिन्न जिल्लाका केही स्थानमा शंकास्पद बस्तु समेत फेला परेका छन् । काभ्रे पनौती-७ ढुंखर्क बस स्टपमा र खोपासी मार्गको रोशी खोला पुलमा २ वटा प्रेसर कूकर बम नेपाली सेनाले डिस्पोज गरेको छ । त्यस्तै वर्दियामा डिभिजन बन कार्यालय नजिक तथा पूर्व-पश्चिम राजमार्ग अन्र्तगत कर्तनिया चोकमा कुकर बम भेटिएको छ । बैतडी सतबाँझ गोकुलेश्वर सडकखण्डको धरमघरमा राखेको बम पनि निष्कृय पारिएको छ । झापाको कनकाई माईको पुलमुनि पनि संस्कापद बस्तु भेटिएको छ । सिन्धुलीको भिमान सडक खण्डको बुका पुलमा शंकास्पद बस्तु फेला परेको छ । त्यस्तै पोखराका तीन ठाउँमा बम फेला परेको छ । पोखराको विजयपुरको पुल पारी ओरालोमा, हमाल चोकमा र पोखरा १७ ड्यामसाइडमा पनि शंकास्पद बस्तु भेटिएको प्रहरीले जानकारी दिएको छ । नुवाकोटको विदुर नगरपालिकाका मेयर सञ्जु पण्डितको घरमा भेटिएको प्रेस कुकर बम नेपाली सेनाले डिस्पोज गरेको छ ।