अखबार नेपाल ट्रेन्डिङ

काटमाडौं : नेपाल सरकारले स्टेट पार्टनरसीप प्रोग्राम (एसपीपी) अगाडी नबढाउने लिखिति पत्र अमेरिकालाई पठाएको छ । परराष्ट्रमन्त्री नारायण खड्काले ९ साउनमा अमेरिकालाई लिखित यससम्बन्धी लिखित जानकारी गराएको संसदलाई जानकारी दिएका छन् ।

आज संसदमा बोल्दै मन्त्री खड्काले सरकारलाई एसपीपी अगाडी नबढाउने लिखिति पत्र पठाएकोबारे सांसदहरुलाई जानकारी गराएका हुन । मन्त्रिपरिषद्को ६ असार २०७९ को बैठकले एसपीपी अघि नबढाउने निर्णय गरेको थियो । तर, अमेरिकालाई औपचारिक पत्र नपठाएको भन्दै सरकारको आलोचना भएको थियो ।

आज परराष्ट्रमन्त्री खड्काले संसदमा भने, ‘कूटनीतिक माध्यमबाट नेपालले एसपीपीलाई अघि नबढाउने निर्णय गरेको लिखित जानकारी अमेरिकी सरकारसमक्ष पठाएको सम्मानित सदनमा जानकारी गराउन चाहन्छु । आन्तरिक परामर्श आवश्यक भएकाले केही समय लागेको हो ।’

पत्राचार गर्न ढिला गरेको भन्दै कतिपयले संसयसमेत व्यक्त गरेको भन्दै उनले भने, ‘यसमा नेपाल सरकारको दृष्टिकोण स्पष्ट थियो र छ ।’ स्वतन्त्र, सन्तुलित परराष्ट्र नीति सञ्चालनका लागि सरकारसक्षम रहेको मन्त्री खड्काले बताए ।