अखबार नेपाल ट्रेन्डिङ

काठमाडौं: दुईदिने नेपाल भ्रमणका लागि अमेरिकी सहायक विदेशी मन्त्री डोनाल्ड लु काठमाडौं आइपुगेका छन् ।

तीन सदस्यीय टोलीसहित नेपाल आइपुगेका लुलाई अमेरिकी दूतावासका उपप्रमुख मानुयल पी. मिक्लरले स्वागत गरेका थिए ।

नेपाल बसाईका क्रममा मन्त्री लुले प्रधानमन्त्री शेरबहादुर देउवासँग भेट गर्ने कार्यक्रम रहेको छ । नेपालस्थित अमेरिकी दूतावाले मन्त्री लु अमेरिकी विदेश मन्त्रीले वार्षिकरुपमा प्रदान गर्ने अवार्ड फर कर्पोरेट एक्सलेन्स (एइसी) वितरण गर्नेछन् ।

नेपालस्थित अमेरिकी उत्पादनकर्ता कम्पनी पूर्णाले सो अवार्ड पाउँदैछ । मन्त्री लुले नेपालमा बसाईका क्रममा उद्योगी, नागरिक समाज र सरकारका नेतृत्वकर्तासँग भेटने दूतावासले जनाएको छ ।

दूतावासले लुको नेपाल भ्रमण नियमित भएको जनाएको छ । दूतावासले बिहीबार विज्ञप्ति जारी गर्दै नियमित भ्रमणको सिलसिलामा सहायक विदेशमन्त्री लु दुई दिने भ्रमणका लागि नेपाल आउने स्पष्ट पारेका हो ।

स्टेट पार्टनरसिप प्रोग्राम (एसपीपी)को कार्यान्वयनको विषयलाई लिएर राजनीतिक दलहरूबीच विवाद चर्किरहेका बेला उनको भ्रमणलाई अर्थपूर्ण रूपमा लिइएको छ ।