अखबार नेपाल ट्रेन्डिङ

काठमाडौं : नेकपा एकीकृत समाजवादी पार्टीबाट मन्त्रीमा सिफारिस भएकाहरुको भोली सपथग्रहण हुने भएको छ । यसका लागि पार्टी अध्यक्ष माधव कुमार नेपालले अग्रसरता देखिाएका छन् ।

नेपालले प्रधानमन्त्री शेरवहादुर देउवालाई आफूहरुले अघि सारेका मन्त्रीहरुलाई सपथग्रहण गराउने ब्यवस्था मिलाउन दबाद दिईरहेका छन् । उनले अल्टिमेटम नै दिएर आफ्ना मन्त्रीहरुलाई सपथग्रहण गराउन दबाब दिएका हुन ।

एकीकृत समाजवादीले मन्त्री हुने ५ जना सांसदका नाम पहिला नै पठाइसकेको छ । यसअगाडी प्रधानमन्त्री देउवाले अनिच्छा गरेका कारण सपथग्रहण भएको थिएन । पार्टीको तर्फबाट यसअघि मन्त्री भएकाहरुलाई फिर्ता बोलाएर नयाँ मन्त्रीको नाम सिफारिस गरेको थियो ।

बजेट पारित भएपछि मन्त्रीहरु हेरफेर गर्ने भनिएका पनि प्रधानमन्त्री देउवाका कारण सपथ ग्रहण रोकिरहेको छ । स्रोतका अनुसार, जसपा विभाजन हुने डरले प्रधानमन्त्री देउवाले एकीकृत समाजावदीका मन्त्रीहरुको हेरफेर रोकेका थिए तर जसपामा केन्द्रीय समितिमा बाबुरामलाई ४० पुर्याउनै गाह्रो भएका कारणले तत्काल पार्टी नफुट्ने भएपछि एकीकृत समाजवादीका मन्त्रीहरु हेरफेर गर्न देउवा राजी भएका हुन् ।