अखबार नेपाल ट्रेन्डिङ

काठमाडौं: प्रधानमन्त्री शेरबहादुर देउवाको कुरा सुनेर नेकपा माओवादी केन्द्रका अध्यक्ष पुष्प कमल दाहाल ‘प्रचण्ड’ र एकीकृत समाजवादीका अध्यक्ष माधवकुमार नेपाल दंग देखिएका छन् ।

उनीहरुले त्यसैकारण पनि अहिले प्रधानमन्त्री देउवाको खिलापमा बोलिरहेका छैनन् ।

प्रधानमन्त्रीको सरकारी निवास बालुवाटारमा प्रधानमन्त्री देउवा, माओवादी केन्द्रका अध्यक्ष प्रचण्ड, एकीकृत समाजवादीका अध्यक्ष  नेपाल र जनता समाजवादी पार्टी जसपा अध्यक्ष उपेन्द्र यादवबीच भेटवार्ता भएको थियो ।

भेटका क्रममा देशको हित विपरितका सम्झौतामा हस्ताक्षर नगर्ने बताएपछि अहिले सत्तागठबन्धनमा रहेका दलका शिर्ष नेताहरु चुप लागेर बसेका हुन  ।

प्रधानमन्त्री शेरबहादुर देउवाले स्टेट पार्टनरसिप प्रोग्राम (एसपिपी) सम्झौता गर्ने तयारी गरेपछि प्रचण्ड / माधव नेपाल देउवालाई भेट्न पुगेका थिए ।

भेटमा प्रधानमन्त्री देउवाले देशको हित विपरितका कुनै सम्झौतामा हस्ताक्षर नगर्ने बताएको एक नेताले बताए । अहिले यो विषयको चौतर्फी बिरोध भईरहेको छ ।