अखबार नेपाल ट्रेन्डिङ

काठमाडौँ : स्थानीय तहको निर्वाचन भर्खरै सकिएको छ । अब प्रदेशसभा र प्रतिनिधिसभाको निर्वाचन आउँदैछ ।

उक्त कहिले हुने भन्ने कौतुहलता छाईरहेको बेला सत्तारुढ दल नेकपा माओवादी केन्द्रका अध्यक्ष पुष्पकमल दाहाल(प्रचण्ड)ले त्यो कौतुहलतालाई मेटाउने काम गरेका छन् ।

प्रचण्डले पत्रकारहरुसँग कुरा गर्दै मंरिसको पहिलो हप्ता  मा या कात्तिकको अन्तिम हप्तामा प्रदेश र संघको निर्वाचन हुने बताएका हु्न ।

उनले आज बर्दियाको बेलभारमा पुगेर भने -‘प्रधानमन्त्रीलगायत गठबन्धनमा हामीले छलफल गर्दा मंसिरको पहिलो हप्तामा हुने बढी सम्भावना छ । त्यसकारण कोही कन्फ्युजन हुन पर्दैन, चुनाव मंसिरमै हुन्छ ।’

चुनाव एकै चरणमा सम्पन्न गर्ने गरी कोसिस गरिरहेको बताउँदै प्रचण्डले भने, ‘चुनाव दुई चरणमा हुन्छ कि एक चरणमा भन्ने पनि छलफल भइरहेको छ । तर जसरी स्थानीय तहको निर्वाचन एकै चरणमा सम्पन्न गर्न सम्भव भयो । त्योभन्दा त प्रदेश र संघको सहज हुन्छ ।’

सुरक्षाका हिसाबले दुई चरणमा गर्ने कि भन्ने कुरा चलेको पनि मंसिरमै चुनाव सम्पन्न हुने उनको भनाइ छ । उनले प्रदेश र संघको निर्वाचनका लागि जुट्न समेत सबैलाई आह्वान गरेका छन् ।