अखबार नेपाल ट्रेन्डिङ

काठमाडौँ : नेकपा एमालेका अध्यक्ष केपी शर्मा ओलीले नेकपा माओवादी केन्द्रका नेता नारायणकाजी श्रेष्ठलाई भेटेका छन् ।

हिजो साँझ ओली निवास बालकोट गएका श्रेष्ठ र एमाले अध्यक्ष ओलीबीच झण्डै दुई घण्टा लामो कुराकानी भएको थियो ।

यो भेटलाई राजनीतिक वृत्तमा निकै अर्थपूर्ण हिसाबले हेरिएको छ । अहिले राजनीतिक कोर्ष परिवर्तन हुने अनेक खालको आंकलन गरिएको छ ।

हिजो बालकोटमा दुई नेताबीच राष्ट्रियता, मुलुकको समग्र परिस्थिति, वाम आन्दोलन बारे छलफल भएको थियो ।

‘राष्ट्रियताको बारेमा इतिहासमा नभएको संकट देखा पर्यो देश कसरी बचाउने भन्ने बारेमा कुराकानी भयो,’ श्रेष्ठ निकट एक नेताले भने, ‘एमसीसी संसद विघटन, पार्टी विभाजनलगायतबारे छलफल भएको छ तर कुनै पनि विषयमा ठोस निष्कर्षमा पुग्न सकिएन ।’