अखबार नेपाल ट्रेन्डिङ

काठमाडौं: निर्वाचन आयोगमा स्थानीय तहको निर्वाचनमा ठेकेदारले उम्मेदवार हुन नपाउने प्रावधान राखेको छ ।

यसरी आयोगले उम्मेदवार हुन नपाउने प्रावधान राखेपछि नेपाल निर्माण व्यवसायी महासंघले त्यसको बिरोध गरेको छ ।

उम्मेदवार बन्न नपाउने गरी बनाएको प्रावधान विरुद्ध अदालत जाने तयारी गरेको महासंघका अध्यक्ष रवि सिंहले जानकारी दिएका छन् ।

उनले आयोगले गरेको निर्णय संविधानले दिएको मौलिक हक विरुद्ध रहेको भन्दै त्यसका लागि कानुनी उपचार खोज्ने बताएका हुन ।

बुधबार बसेको आयोगको बैठकले ठेक्कापट्टामा सहभागीहरू स्थानीय तहको चुनावमा उम्मेदवार बन्न नपाउने निर्णय गरेको थियो ।

त्यसको ठेकेदार कम्पनीले बिरोध गरेको हो ।